Saturday, July 20, 2019

සඳ ගමනින් පසු

සඳ ගමනට පනස් වසක් පිරෙන වෙලාවෙ ආයිමත් කතාකරන්න හිතුවෙ  එතනින්  එහාට  මොකද  වෙන්නෙ  කියන එක. මේක  සයිෆයි  එකක්වත්  විද්‍යාවෙ  අනගි  හැකියා  ගැන  ශෝ  එකක්වත්  නෙවි, රියලිටිය  තේරුම්  ගන්න උත්සාහයක්  සහ  ඒ  ගැන  ක්‍රිටික්  එකක්.

1. අවු 50 ක් ගිහිල්ලත් 
සඳ ගමනට එහාට යන දෙයක් අපි ඒ අන්ශයෙන් කරල නැහැ කියලනෙ මාධ්‍ය  ඔක්කොම  කියන්නෙ. [මීර් සහ ජාත්‍යන්තර අභ්‍යවකාශ නැවතුම්පොල ඔයිට එහා යන දේවල් කියා මම හිතනවා ඒක වෙනම කතා කලා] ඒ කියන්නෙ අභ්‍යවකාශය කියන්නෙ මිනිසුන්ට තේරුමක් ඇති ගවේශන මාධ්‍යයක් නොවේ. රාජ්‍යයන් කීපයක් ලොකුකම කියවන්න සහ සීතල යුද්ද නිසා සල්ලි වියදම් කරල ටොප් රිසෝසස් දාල ඕව කලා වුනාට එතනින් පස්සෙ ජාමෙ බේරගන්නයි නාමෙ සුරකින්නයි ලාවට ෆන්ඩ්ස් වෙන්කලා පමනයි. පුද්ගලික අන්ශය ඒ අවු 50 ටම කලේ කතාකිරීම සහ පර්‍යේශන කීපයක් පමනයි. වයබල් බිස්නස් එකක් තවම නිර්මානය වෙලා නැහැ.

2. මිනිසා වෙනත් ඕනෙම ජීවියෙක් වගේ ටික ටික තම හැකියාව වැඩි වෙද්දි තමන් වටේ තියෙන දේවල් වලට අවධානය දෙන්න සැරිසරන්න පටන් ගන්න්ව. මුලින්ම මුහුද දෙවනුව අහස ඊට පස්සෙ අපේ ග්‍රහලෝකෙ අවට අභ්‍යවකාශය, ඒත් ඒ සැරිසරන මිනිස් ගතිය එක පාරට නවතිනවා. මුදල් මෙන්ම දැනුමත් අඩුවෙන් තමා ඒ දිහාට හැරෙන්නෙ. ඊට හේතුව වෙන්නෙ පරිගනකය සයිබරය සහ ස්මාට් ෆෝන් එකේ ආගමනය ද? ඒවා එක්තරා ආකාරෙක ඇබ්බැහියක් වෙනව මිනිසුන්ට. ඒ වගේම ඒවා මිනිසුන්ගේ ඉහලම දැනුම සහ ප්‍රාග්ධන ආයෝජන තමන් දිහාට ඇදල ගන්නවා. ඒ සමග අභ්‍යවකාශය වැනි ක්ශේත්‍ර පසුබානවා වෙන්න බැරිද?

3. අපි අභ්‍යවකාශ යුගයේ අනාගතය ගැන කතා කලොත්, නාසා අගහරු ගමන් සිදුවීමට ලොකු ඉඩක් තිබ්බත් රාජ්‍ය අන්ශයෙන් පලවෙනි ලෝකෙ රටවල් මේවට ෆන්ඩ් කරන එක ලොකුවට වෙන එකක් නැහැ. වෙන්න පුලුවන් එකම දෙ එ පුද්ගලික අන්ශය. ඒත් අභ්‍යවකාශ සන්චාරක කර්මාන්තය කියන එක වියදම සහ තාක්ශනික ගැටලු එක්ක හිරවෙලා. ඒත් අභ්‍යවකාශ ඩොකියුමෙන්ටරි කියන දේ තාම වෙලා නැහැ. ක්ලාක් ගෙ රාමා සීරිස් එකේ එක තැනක, පිටසක්වලින් පොලොවට එන යානයක් නිරික්ශනය කරන්න තරම් ෆන්ඩ්ස් නැති වුනාම ජනමාධ්‍යවේදිනියක් ඒ ගැන වාර්තා වැඩසටහනක් කරන්න මාධ්‍ය ආයතනයකින් ෆන්ඩ්ස් ගන්නවා. මම හිතන්නෙ මේක ඉක්මනින්ම එක්ස්ප්ලොයිට් වෙන්න නියමිත ක්ශේත්‍රයක්. අනික මිනිස්සු යන්නම ඕනෙ නැහැ. මම දකින්න හදන්නෙ එන් බී සී සී එන් එන් වගේ ආයතන තමන්ගෙම යානා යවල අභ්‍යවකාශ්‍යේ මනස්කාන්ත දේවල් වාර්තා වැඩසටහන් ලෙස ප්‍රසන්ට් කරන එක ගැන.

4. 2022 ඇස්ටරොයිඩ් බෙල්ට් එකේ තියෙන සයිකි කියන ලෝහ කුට්ටියට මිශන් එකක් යනවා. ලෝහ ලෙස පවතින නිරාවරනය වු ලොකුම එකතුව ඒක [බෙල්ට් එක හදන්න හේතුවන ගරහලෝකය පුපුරල යද්දි ඉතුරු වෙන එහි මධ්‍යය කියල හිතන්නෙ] එතනින් නිස්සාරනය කල හැකි ලෝහ ප්‍රමානය පොලොවෙ අවශ්‍යතාවය වගේ අතිහ්සයින් විශාල ගුනාකාරයක්. ඒත් ඒ ලෝහ ලේසියෙන් සහ වයබල් ලෙස ගේන්න පුලුවන් කක්ශයට පමනයි. එතනින් බිමට බාන්න යන කොස්ට් එකෙන් පොලොවෙ ලෝහ වලට වඩා විශාල ලෙස ඒ ලෝහ මිල වැඩි වෙනවා, හැබැයි කක්ශය මත කෙරෙන ඉදිකිරීමකදි ගුරුත්වය ඉක්මවා ලෝහ බිම සිට ගෙනියනවට වඩා සයිකි ඉදල ගේන එක ලාබ වෙන්න පුලුවන්. සයිකි වල පතල් සහ අභ්‍යවකාශයේ බිහිවන ආකෘති [හෝටල්/ජනාවාස] කියන එක වැදගත් මාතෘකාවක් වුනොත් මගේ මේ කතාව වෙනස් වේවි.

5. අභ්‍යවකාශය කෙරෙහි ඇමරිකාව වගෙ රටවල රාජ්‍ය අන්ශයේ අවධානය ක්‍රමයෙන් අඩු වෙද්දි, චීනය ඉන්දියාව වගෙ රටවල් තමා ඒ ගැන උනන්දු වන්නෙ, ඉරානය පවා ඇත්තට හෝ බොරුවට අභ්‍යවකාශ වැඩ සටහන් ගැන කියවනවා. ක්‍රිකට් ක්‍රීඩාව සුද්ද පටන්ගෙන අන්තිමේ ඉන්දියාවෙ නතර වුනා වගේ සොෆ්ට්වෙයා ඉන්ඩස්ට්‍රිය ඇමරිකාවෙ පටන්ගෙන අද ආසියාවෙන් කොරව ගන්නව වගේ, මේ ක්ශේත්‍රයත් අන්තිමෙ ආසියාවෙ නතර වෙන්න පුලුවන්. ඇමරිකන්/බහුජාතික පුද්ගලික අන්ශය ලාබ මාකට් හොයාගෙන යාවි. ලන්කාව මේ ගැන හිතල තියේද?

6. කෝම වුනත් ලෝකය සඳ ගමන ගැන නොස්ටල්ජියව සමරන මොහොතක ලන්කාවෙ ඒ සම්බන්ධයෙන් තියෙන ලොකුම ප්‍රශ්නය ඒක එහෙම වුනේ නැහැ කියන කොන්ස්පරසිය විතරක් වීම් ඛේදනීය තත්වයක්. ඒ මතය එතරම්ම ලොකු කතිකාවක් වෙන්න බලපාන ලන්කා මාන්සිකත්වය තමයි එතන කී පොයින්ට් එක. තමන්ට මේ මොහොතෙ බැරි නිසා ඒත් ලොකු [කියා අපිම හිතන] අතීතයකුත් තියෙන නිසා පරන වලවුකාරයෙක් අලුත් සල්ලිකාරයෙක් ගැන ස්කෙප්ටිකල් වෙනව වගේ අපේ උන් හැසිරෙන්නෙ. ඒ නිසා බොහෝ දෙනෙක් ආසයි හිතන්න ඇත්තටම ඕකුන් ගියේ නැහැ කියල. ලාවට හරි සාක්කි කියල දෙයක් දැක්කොත් එල්බ ගන්නව.

7. ටෙරාෆෝමින් සහ වෙනත් ග්‍රහලෝක වල ජනපද. ප්ලීස් අපි විහිලු නොකර ඉමු. සයන්ස් හොලිවුඩ් වලින් ගන්න එපා. ඒකත් තව කනගාටුදායක කතාවක්. මම හිතන්නෙ කක්ශගත ජනපද තමා දැනට තියෙන තාක්ශනයේ උපරිමය.

8. මේ  ගැන  ෆේස්බුක්  එකේ  යන  සන්වාදයේ  මම  දුටු  දෙයක්  තමා  බොහෝ  දෙනෙක්  ස්පේස්  ටුවරිස්ම්  ගැන ලොකුවට මවාගෙන ඉන්නවා.  ඊට  එක  හේතුවක්  ටෙකි  සමාගම් කීපෙක  අතිරික්ත  ප්‍රාග්ධනය  "වෙන  කරන්න  දෙයක්  නැති  නිසා"  ඒ  අන්ශයට  යෙදවීම  සහ  ඒ  සමග  නිර්මානය  වන  හයිප්  එක.  ඒත් ස්පේස්  ටුවරිස්ම්  වල  මූලික වියදම  එක්ක  එය  ලෝක වාසි  බහුතරයක්  ජනයා   නිතර  කරන  එකක්  වීමෙ  ඉඩකඩ   අඩුයි.  ඒ  වගේම  අභ්‍යවකාශය  කියන්නෙ ඔය  කියන තරම්   එක්සයිටින්  තැනක්  නොවේ.  බොහෝ  විට  තියෙන්න  අදුරු   නිශ්චල බෝරින් පසුබිමක්.  මොකුත්  සිද්ද  නොවෙන.  ඔහොම  තැනකට  මිනිස්සු  පිස්සො  වගේ  යාවි කියල හිතන්න  අමාරුයි.  ඔන්න ඔය  නිසා  තමා  හොටෙලියර්   කෙනෙක්  මේ  ගැන  නිකම් වත්  උනන්දු  නොවෙන්නෙ.  මිනිසාගෙ  සන්චරන උනන්දුව  ගැන  හරියට  දන්නෙ  හොටෙලියර්ස්  ලා.  මිනිසාගෙ  සන්චරන  උනන්දුවට  අභ්‍යවකාශය  ලොකු  බලපෑමක්  නොකරන  නිසා  තමා  උන්  උනන්දු  නැත්තෙ.  දැනට  මේ  ගැන  උනන්දුව  දක්වන්නන්  මේකෙ  තාක්ශනික  පැත්ත ගැන  මිස  මාකට්   රියලිටිය  ගැන  ලොකු  අවබෝදෙකින්  ඉන්න  බවක්  පේන්නෙ  නැහැ.

9. ස්පේස්  ටුවරිස්ම්  ගැන  ලොකුවට  කතාවෙන  මේ  මොහොතෙ ක්ලාක්  ගේ සැටර්න්  රයිසින්  කියන  කෙටි  ප්‍රබන්ධය   බොහෝ  දෙනෙකුට  අමතක  වෙනවා.  මේ  තමයි මම හිතන හැටියට  ස්පේස්  ටුවරිස්ම්  ගැන  මුලින්ම  කතාවෙන  මොහොත, 1961 දි. ක්ලාක්  මේ  ප්‍රබන්ධයේ  වැදගත්  කාරනා  කීපයක්  කතාවට   ගන්නව.  පලවෙනියටම  ඔහු  දකිනවා  පවතින  තාක්ශනය  සහ  රොකට්  ක්‍රමවේද  වලින්  මිනිහෙක්ව  අභ්‍යවකාශයට  යවන්න  යන  වියදම  එක්ක  මේක වයබල් බිස්නස්  එකක්  නෙවි  කියල.  ඒ නිසා ප්‍රබන්ධය තුල ඔහු  ප්‍රතිගුරුත්ව  ඩ්‍රයිව්  එක  කියල  එකක්  නිර්මානය  කරනවා.  එතකොට  ඔහු දකිනවා  අභ්‍යවකාශය  සාමාන්‍යෙයෙන් බෝරින් අදුරු  නිශ්චල  තැනක්  බව. ඒ නිසා  ඔහු  තෝරන්නෙ  සෙනසුරුගේ  චන්ද්‍රයෙක්  මත  සිට  සෙනසුරු  උදාව නිරික්ශනය  කරන්න  හෝටලයක්.  මේ  හෝටලේ  ඉස්සරහ අහසෙන්  බාගයක්  වගේ පිරෙන්න  වටේ  කැරකෙන  වලලු  එක්ක  සෙනසුරු  උදාවීම  මිනිසුන්ට  ගිහින්  බලන්න  තරම්  වටී කියල  ඔහු හිතනවා.  තෙවනුව   ඔහුගෙ  ප්‍රබන්ධයේ   ඔන්ටප්‍රිනර්   හොටෙලියර් කෙනෙක්  මේ  සන්චාරක  කර්මාන්තය  ගැන  රියලිස්ටික්  අදහසක්  තියෙන්නෙ  ඔවුන්ට  බව  තමා  ඒකෙන්  ඔහු කියන්න  හදන්නෙ. ඔය  වගෙ තත්ව  රාශියක්  සම්පුර්න  වුනොත්  එක  හෝටලයක්  විතර  සාර්තක  වෙයි.

Saturday, July 13, 2019

චන්ද්‍ර ගමනට අඩ සියවසකි

අද කියවන ආටිකල් එකක පලවෙනි වගන්තිය

Fifty years on, the Apollo Moon programme is probably still humankind's single greatest technological achievement.

ඇමරිකාව හදට ගිය එක ඒ අවස්තාවෙ තිබ්බ විශාල ඊගෝ ඉශු එකක අවසානයක්. ඒ නිසා ඉහත වගන්තිය අර්ධ වශෙය්න් ඇත්ත වුනත් පත දේශපාලනික ප්‍රකාශයක්. ඇමරිකාවට ඕනෙ කලේ මෙ වගන්තිය ලෝකෙ ඉහලින්ම ලියල ඉවරයක් කරන්න.

කොටිම්ම ඇමරිකාව අභ්‍යවකාශයට යන්න හිටපු රටක් නෙවි. රුසියාව වුනත්. ඒ දෙගොල්ලටම ඒ සදහා අවකාශ ලැබෙන්නෙ හිට්ලර් ගේ රොකට් ප්‍රොජෙක්ට් එකේ දැනුම සහ මිනිස් බලය උස්සගෙන හොර පාරෙන් තම දෙරටට දැක්කුව නිසා. එතනින් රුසියාව එකාධිපති නායකය ස්ටාලින් නිසා ඉක්මනින් තම වැඩ සටහන ඉස්සරහට ගෙන ගියා.

කතන්දරේ පටන් ගන්නෙ 1957 රුසියාව ස්පුට්නික් යානය අභයවකාශයට යවපු වෙලාවෙ. මේ වෙද්දි ඇමරිකන් අභ්‍යවකාශ වැඩසටහන තිබ්බෙ කෙතරම් පස්සෙද කිව්වොත් රුසියාව යැව්වෙ මොකද්ද කියල බලාගන්නවත් ඇමරිකාවට විදියක් තිබ්බෙ නැහැ. ඒ තරම් කුඩා ස්තානය නොදන්න ආකාශ වස්තුවක් හොයල නිරික්ශනය කරන්න සමත් දුරේක්ශ තිබ්බෙ නැහැ. ඒත් ජනයා පුදුම ලෙස බිය වෙනවා. ස්පුට්නික් කියන්නෙ මොකද්ද කියන එක රුසියාව මුලින් ක්ලැසිෆයි කරලා පස්සෙ නිකම් අභ්‍යවකාශ යානයක් කියල කිව්ව එක ඊට එක හේතුවක්. මේක සාමකාමි අභ්‍යවකාශ යානයක් කියල ඇමරිකන් ජනයා පිලිගන්නෙ නැහැ. කෙමිකල් බයෝලොජිකල් හෝ නියුක් වෙපන් එකක් කියල ඔවුන් හිතනවා. යානය හොයාගන්නෙ ස්මිත්සෝනියන් ආයතනෙ දුරේක්ශ වලින්. ඒ ඉතාම අපෙහැදිලි කුඩා ඩොට් එකක් ලෙස. ඒත් එය මොකද්ද එයින් කල හැක්කෙ මොකක්ද කියල දැන ගන්න මහජනයා දෙන ෆෝන් කෝල් හින්ද ස්මිත්සෝනියන් ආයතනයට තම දුරකතන රිසීවාර් ඉවත් කර තියන්න සිද්ද වෙනවා. තනි හිස්ටීරියා මොහොතක්.

අන්න එතන පටන් තමන්ට වැටුනු මේ අවමානය සහ පසුබෑමෙන් ඉස්සරහට එන්න ඇමරිකාව දත කාගෙන වැඩ කරනවා. පාසල් වල විශය නිර්දේශ පවා වෙනස් කලාලු.

ඇමරිකාවට කලහැකි බොහෝ දේවල් ඉතුරු නැහැ. මොකද අභ්‍යවකාශයට යන පලවෙනියා ගිහින් ඒ වෙද්දි. යානයක් සතෙක් සහ මිනිසෙක් [ස්ත්‍රීවාදින්ට මදිනම් ගැහැනියකුත්] රුසියාව කොටු ඔක්කොම ටික් කරල. ඉතින් ඇමරිකාවට වැඩේ කරන්න කලින් කරන්න වැඩක් හදන්න වෙනවා.

පිස්සො වගෙ පිස්සො වගේ මහන්සි වෙලා ඇමරිකාව හදට යනවා ඒ සමගම මාධ්‍ය වලින් ලොකුවටම ආවරනය දෙනවා මේකට. හදට යාම තමා උපරිමේ කියන මතය මහජනයට පොවනවා. රුසියාව ටික් කල එව්වට උඩින් ඇමරිකාව එකක් ගහනවා.

වෙන කවුරුත් මිනිසුන් හදට යවන්නෙ නැහැ. ඇමරිකාවත් ඕක කරන්නෙ පලමු ගමනින් පසු අවු දෙක තුනයි. එහෙ ඔච්චර ලොකු සීන්ස් නැහැ එහෙ සීන් තියේද නැද්ද කියල දැනගන්න මිනිස්සු යන්නම ඕනෙත් නැහැ. මේ දෙරටම සද සහ අනිකුත් ආකාශ වස්තු ගවේශනයට යානා යවනවා. වටේ ගිහින් හොයා ගන්න එකට වඩා මාර බක්කන් බැහැල ගන්න බැහැ. ඒත් ලෝකෙ ඉන්න ලොකුම ක්‍රයි බේබි කෙනෙකුට රිපෝට් කාඩ් එකේ 100/100 දාගන්න දෙයක් තියෙන්න ඕනෙ. එච්චරයි.

කොටිම්ම  කාල්  සේගන්  කියන  මේ  කතාවට අනුව ඇමරිකාව  දිගටම යවන්නෙ  සයන්ටිස්ට්  ල   නෙවි   හුදෙක්  නියමුවන්  සහ  ඉන්ජිනේරුවන්   මිසක.  පලවෙනි  වරට  සයන්ටිස්ට්  කෙනෙක්  යවපු  ගමන්  ඇමරිකාව  මිශන්  එක  අතහැර  දානවා.  ඒ කියන්නෙ  මේකෙ ලොකු  විද්‍යාත්මක  උනන්දුවක්  නැහැ.  වැඩේ  සාර්තකව  කරගන්න  ඕනෙ  කම  පමනයි.  බේසිකලි  කොටුව  ටික්  කරගන්න.


අභයවකාශ්‍යට ගිහින් කක්ශගත වුනාම වෙන ඕනෙම තැනකට යන එක හෙනම සින් එකක් නෙවි. එතන පටන් දුර ලොකු අවුලක් නෙවි මොකද කිමි ගානට නෙවි බිල වැටෙන්නෙ. අභ්‍යවකාශ  කතාවෙ  අවදානම්  සහ  අසීරුම  කාර්‍යයන්  තියෙන්නෙ පෘතුවි  ගුරුත්වය  එක්ක  හැප්පෙන  කක්ශය  කරා  ගමනේ.

කෙසේ වෙතත් වෙනත් ලෝකයකට ගොඩ බැසීම කියන කාරනාව නම් විද්‍යා තාක්ශන අන්ශ වල වැදගත් සන්ධිස්තානයක්. මොකද  තවත්  ලෝකයක  ගුරුත්වය  එක්ක  ගැටෙමින්  ඒ  අසිරු  කාර්‍යය  කරන්න  ඕනෙ.  ගනනයන්  වල  සුලු  හෝ  වැරදි  තියෙන්න  බැහැ.  මේ  කාලෙ  ගනනයන් කලෙ එ කඩදාසියේ.

කාරණා එහෙමයි. හැබැයි එදා ගහගත්ත සීල් එක තවම තියෙනවා. දැන් ඒ සීන් එක වෙලා අවුරුදු පනහක්.

ඕකෙන් පස්සෙත් රුසියාව තව කොටුවක් ටික් කරනවා. ඒ අභ්‍යවකාශයේ නිත්‍ය මධ්‍යස්තානයක් හදල. ඒ තමා මීර්. මේක  වැදගත්  වන්නෙ  කක්ශය  මත  ස්ටේශන්  එකක්  තියෙන  කොට  කක්ශයට  එලියෙන්  වෙන  කටයුතු  එතන  සිට  මැනේජ්  කල  හැකි  නිසා.  මම හිතන තාලෙට මිනිස් අභ්‍යවකාශ ගවේශනයේ ලොකුම ඇචිව්මන්ට් එක ස්පුට්නික් නෙවිනම් මීර්.

කෙසේ  වෙතත්  මෙන්න  අර  ආටිකල්  එක.

Friday, May 31, 2019

සයිබීරියාවට නිදහස දෙනු !!!

සාමාන්‍ය දැනීම සමුහයක අහපු ප්‍රශ්නයක්.

පසුගාමී අධිරාජ්‍යයකට එරෙහිව දියුණු ආර්ථිකයක් සහිත විශාල ධනවත් වෙනම රාජ්‍යයක් වෙන් කරන්න කිසියම් ප්‍රාන්තයක තරුනයින් පිරිසක් තීරණය කරනවා. මේ තරුණයින් තම මතවාද පොත් හැටියට ලියලා අර ලොකු අධිරාජ්‍යට හොරා බෙදා හරිනවා. අදිරාජ්‍ය දන්නේ නැතුවට හමුදාවේ පවා සමහරු මේකට සපෝට්.

කුඩා මට්ටමින් පටන් ගත්තට ඔවුන්ට සැහෙන හැකියාවක් තිබ්බේ ඒ පළාත ජනාවාස කරපු ක්‍රමවේදය නිසා. සරලව කිව්වොත් ඒ පළාතේ උන්න ඔක්කොම මේකට සහය දෙන බව ස්ථිරයි.

බෙදුනා නම් ඔවුන් ආදර්ශයට ගන්න කියා ලියා තිබ්බේ ලෝකේ සිරාම රටක්.

දවසක් සුළු සෙබලෙක් ගේ ගමන් මල්ලක හොර බඩු තියේද කියා බලන හමුදා කාණ්ඩයක ලොක්කෙක්ට පොත් සෙට් එක අහුවෙනවා. එතනින් වැඩේ සමාප්තයි. අර තරුනයිනුත් ඉවරයි.

1. ප්‍රාන්තය කුමක්ද?

2. අධිරාජ්‍ය කුමක්ද? කොයි කාලේද?

3. ෂුවර් එකටම බෙදේවි කියන්න හේතු වෙන පලාත තුල වූ විශේෂත්ව මොනවාද?

4. ඔවුන් ආදර්ශයට ගන්න ගියේ කාවද?

5. බෙදීම වුනානම් එයින් ලෝක සිතියමට වෙන බලපෑම කුමක්ද?

---------------------

1860 දශකයේ රුසියාවේ විවි ක උගත් සයිබීරියන් තරුණ පිරිසක් තමා වැඩේට අත ගැහුවේ. ජාතියෙන් රුසියන් වුනත් සයිබීරියන් අනන්‍යතාවය එක්ක උන්නු පිරිසක්.

සාර් රුසියානු අධිරාජ්‍යය සයිබීරියාව ආක්‍රමණය කරන්නේ 1600 ගණන් වල. ඊට පෙර ඒක ස්වාධීන මොංගල් ඛානෙට් එකක් [ගෙන්ගීස් අධිරාජ්‍ය හදන්න පෙර පටන් ම මොංගල් දේශයේ කොටසක්]. සාර් සයිබීරියාව අල්ලන්නේ සත්ව ලෝම හා සම් ව්‍යාපාරය වෙනුවෙන්. එක මුලින්ම යටත් විජිතයක් සෙසු කොලෝනියල්  යටත්  විජිත  වගේ.

රුසියාව සයිබීරියාවේ කරන්නෙත් යුරෝපියන් ලා ඇමරිකා ඕස්ට්‍රේලියා වල කල දේමයි. ස්වදේශිකයන් යටපත් කරලා තම ජාතිය පදිංචි කර සම්පත් කොල්ල කෑම. හැබැයි අර වගේ ගම පිටින් මරන්නේ නැහැ. සයිබීරියාවේ ස්වදේශික ජනගහනය තදින්ම යටපත් වන්නේ සෝවියට් කාලේ තමා. සයිබීරියාවේ ඉන්න අඩු ජනගහනය නිසා දඩුවම්  සහ  පතල්  වැඩ  වලට රුසියානුවන් දිගින් දිගටම යාම මගින්.  දැන් ස්වදේශිකයන් ඉන්නේ 25%, 30% වගේ ගණන්. බහුතරය රුසියන්. ට්‍රාන්ස් සයිබීරියන් රේල් පාරත් එක්ක මේක යකාටම ගියා. හැබැයි රුසියන් උනුත්  ඇමරිකාවෙ  ඇන්ග්ලො  වරුන්  වගේ  සයිබීරියන්  අනන්‍යතාවයක්  හදාගෙන ඉන්නෙ.

1860 දශකයේ සයිබීරියානු තරුණයින්ට අවශ්‍ය වුනෙ පසුගාමී සාර් රුසියාව වගේ නැතිව දියුණු වෙළඳපොල ආර්ථිකයක් සහිත රටක් හදන්න. ඒ වෙද්දී ලෝකෙට තිබ්බේ ඒ වගේ රටවල් එකයි. ඒ තමා ඇමරිකාව. මේ අය හදන්නේ ඇමරිකාව වගේ රටක් හෝ ජනපදයක්  ලෙස අමරිකාවේම කොටසක් වෙන්න. ඒ ගැන ලියු පොත් එහෙම සයිබීරියාවේ බෙදා හැරෙනවා.

මේ අලුත් බලාපොරොත්තුව ලොකු හිට් එකක් වෙන්නේ සයිබීරියාවේ උන්නු බහුතරය දඬුවම් ලෙස පිටුවහල් වූ ය හෝ ස්වදේශික අය වීම නිසා. ලොකු පිරිසක් පෝලන්ත ජාතිකයින් [පෝලන්තය එවකට රුසියාවේ කොටසක්] සියල්ලන් සාර් එක්ක තරහයි. මේක කලානම් බොහෝ විට හරි යන්න තිබ්බා.

කැරැල්ලට සම්බන්ධ සුළු හමුදා සෙබලෙකුගේ මල්ලක් ප්‍රධානියා චෙක් කරන්නේ මේ වෙලාවේ. ඔහු බලන්නේ මල්ලේ හොරබඩු තියේද කියා. එත් අහුවෙන්නේ පොත්. ඒ කාලේ මේ වගේ පොත් ලියන්නේ නමත් එක්කද දන්නේ නැහැ :) කොහොම හරි කැරැල්ලට සම්බන්ධ සියලු දෙනා මාට්ටු වෙනවා.

සයිබීරියා දෙකක් තියෙනවා. එකක් තමා සයිබීරියාව කියන ජනාවාස ප්‍රදේශය, හෙවත් මොන්ගොලියාවට උඩ තියෙන රුසියාවේ මැද කෑල්ල. අනික තමා ජනාවාස අඩු නැගෙනහිර කෑල්ලත් පෙර කී කෑල්ලත් එක්ක ගන්න යුරල් කන්දෙන් මෙහා සියලු කොටස හෙවත් රුසියාවේ ආසියානු කොටස. අන්න ඒ සයිබීරියාව වකිමි මිලියන 13 ට වැඩියි. තනිව ගත්තත් ලෝකේ ලොකුම රට හෙවත් කැනඩාව + ඉන්දියාව විතර ලොකුයි. ඕක  බෙදුනානම් රුසියාව කියන්නේ ඉන්දියාව විතර පොඩි රටක්. එහෙනම් එහි ස්වාභාවික සම්පත් හරි අඩුයි.  සයිබීරියාව ගැලවුනොත් රුසියාවට අහිමි වන්නේ භුමිය පමණක් නොවේ. මුළු රුසියාවම යැපෙන්නේ මිලියන 40 ක මිනිස්සු ඉන්න සයිබීරියාවෙ ස්වාභාවික සම්පත් වලින්. අලුත් සයිබීරියාව තමා සම්පත් සහිත ධනවත් හා විශාලතම රට වෙන්නේ. ජනගහනයත්  මිලියන  40  ක්  පමන  අඩුත්  නැති  වැඩිත්  නැති  නියම ප්‍රමානයක්  දියුනුවෙන්න.

බෝල්ෂෙවික් විප්ලවය වෙලාවේ කිසියම් ආකාරයක ඔටෝනොමස් කමක් ගන්න ඔවුන් උත්සහ කරමින් උන්නේ. විප්ලවය නිසා බැරිවුනා. ඊට පස්සෙත් ඔවුන් සමාජවාදයට කැමති වන්නේ නැහැ. වසර හත අටක් සයිබීරියානු "සුදු හමුදාව" යුද්ධ කරනවා රතු හමුදා එක්ක. මේ වෙලාවේ සයිබීරියාවට ධනවාදී රටවල් සහය දෙනවා ඒත් බෝල්ෂෙවික් වරුන් අතිවිශාල ජන ඝාතනයක් කරලා දිනන්නේ.

ඊට පස්සේ ස්ටාලින් සයිබීරියාවට කෙලවලා දානවා. උන්ගේ ස්වාධීන මතවාද හා එහෙම හිතන ජනතාව් යටත් කර රුසියානුකරණය කරනවා. හැබැයි ඒ කරලත් තාම මූව්මන්ට් එක තියෙනවා. ඊයේ පෙරේදාත් වෙන්  වීමේ උද්ඝෝෂණයක් පූටින් බ්ලොක් කළා.

කොලෝනිය්ල්  යුගයේ  අල්ලගත්  ලොකු  රටවලින්  නිදහස්  නොවුනු  එකම  රට  නිසා  තාර්කිකව  සයිබීරියාවට්  නිදහස  දෙන්න ම  ඕනෙ.

සයිබීරියන් නිදහස් අරගලයේ කොඩිය මේ සමග

Saturday, February 16, 2019

සරස්වතී දෙවඟන සොයා බිම කණින ඉන්දියානුවෝ

සරස්වතී කියන්නේ වචනාර්ථයෙන් ගත්තොත් පිරුණු එක්රැස් වුණු විල්ලුව, පිරුණු තැනැත්තිය කියන එකට. ඒ අර්ථය ක්‍රමයෙන් විකාශනය වෙලා දැනුම සපිරි, පාරිශුද්ධ දැනුම, වචනය හෙවත් ප්‍රකාශනයේ පරිපූර්ණත්වය, ප්‍රකාශනයේ පාරිශුද්ධත්වය, කලාව කියන තැනට එනවා.

සරස්වතී කියන්නේ ගඟක්. භාරතීය ශිෂ්ටාචාරයේ මුල්ම යුගවල වේද ග්‍රන්ථ වල මුල්ම හරියේ සරස්වතී කියන්නේ දිය පිරුණු ලොකු විල්ලු තියෙන ගඟ. ඒ ගඟේ පිරුණු බව සහ පාරිශුද්ධත්වය සංකේතකරණය කරමින් හින්දු දර්ශනයේ පවතින ස්වභාවයේ එසෙන්ස් එකක් සංකේතිය නිරුපනය කිරීමේ "ආත්ම" කරණය කිරීමේ ලක්ෂණය තුල ඒ පිරුණු පාරිශුද්ධ ගංගාව තමයි සරස්වතී දෙවඟන ලෙස විකාශනය වන්නේ. වේද ග්‍රන්ථ වලත් මුලින්ම ගඟ, පසුව ගඟ නම් දෙවඟන වෙලා පස්සේ පරිපුර්ණ සහ පාරිශුද්ධ වචනයේ, ප්‍රකාශනයේ සහ කලාවේ දෙවඟන දක්වා සරස්වතිය එනවා. ත්‍රි දේවි නමින් ලක්ෂ්මි [ධනය] සහ  පාර්වතී [උත්සාහය] සමග  මිනිස් චර්යා නිරුපනය කරන කාන්තා චරිත තුනෙන් එකක් ලෙස හින්දු පුරුෂ දේව ත්‍රිත්වය [විශ්වයේ බිහිවීම, පැවැත්ම  සහ  විනාශය] සමග මනුෂ්‍යයා නිර්මාණය කිරීමට සරස්වතිය දායක වෙනවා. හින්දුන් දෙවියන් කියන්නේ ස්වභාවයේ එසෙන්ස් එකකට.

කෙසේ වෙතත් ශිල්පයට කලාවට දරණ සම්බන්ධය නිසා සරස්වතිය ඒ ගඟෙන් ස්වායත්ත වෙලා මිනිස් රූපික දෙවඟනක් වශයෙන් තනිව සමාජගත වෙනවා උප ඉන්දීය සංස්කෘති වල. රත්මලානේ තෙලවල පාරට හැරෙන හන්දිය වෙනකම් ඉන්දියාවේ සරස්වතී ගඟ ගලන්නේ එහෙම. රත්මලානට ආවේ මිනිස් රූ ගත් දෙවඟනක් මිස ගඟක් නෙවි. හැබැයි ඇත්තටම සරස්වතී කියන්නේ දේව රූපික ගඟ.

සරස්වතී ගංගා සහ යමුනා එක්ක උත්තර්කන්ද් ආසන්නයෙන් පැන නගින්නේ පොලොව යටින්. සරස්වතී හිස එසෙව්වා කියා තැනක් වෙනම ආගමික වන්දනාවට ලක් වෙනවා. ඒ ගංගා ත්‍රිත්වය සොයුරියන් සහ දෙවඟනන් ලෙස සැලකෙන්නේ ඒ වතුර මාතෘ තත්වයෙන් සලකන්නේ ඉන්දීය ශිෂ්ටාචාරවල පදනම ඒ ගංගා නිසා. වේද ග්‍රන්ථ අනුව සරස්වතිය ගලන්නේ රාජස්ඨාන කාන්තාරයට. කාන්තාරය තුල සැගව ගොස් ඉවර වෙන ගඟ අවසාන අවධියේ තියේ කියල ඒ කාලේ කියන්නේ. දැන් සරස්වතී නමින් ගඟක් නෑ.

සරස්වතී වසර දොළොස් දාහකට පෙර බොහෝ පළල දැවැන්ත ගඟක් ලෙස උත්තර්කන්ඩ් හර්යානා රාජස්තාන් ඉන්දු පකිස්තාන් දෙකේම පන්ජාබ හරහා ගොස් ගුජරාටයෙන් මූදට වැටුණා කියනවා. ඒ සරස්වතියේ ශේෂ මත ඉන්දු නිම්න ශිෂ්ටාචාරය කියන එකේ සමහර නගර බිහි වුනා කියනවා. වේද යුග වෙද්දී එය රාජස්තානය කරා පමණක් ගලන්න ඇති. විද්‍යාඥයින් හිතන්නේ භූ ගර්භමය හේතුවක් නිසා ගඟට සැපයුම් දෙන ග්ලෙසියරයක් අවහිර වුනා කියල.

2002 බලයට එන බී ජේ පී විශාල මුදලක් දාල සරස්වතී සෙවීම් වැඩසටහන අරඹනවා. ලංකාවේ වගේ උප ඉන්දීය සංස්කෘති වලට හුදෙක් දෙවඟනක් වුනාට හින්දු රාශ්ට්‍රිය ස්වයන්සේවක් සංග් වගේ මූලධර්මවාදී හින්දුන්ට ඒ දෙවගන සහ ගඟ කියන්නේ එකක්. ස්වභාවයේ මිනිස් හැසිරීමේ එසෙන්ස් එකතු කර ඔවුන්ගේ දේව සංකල්ප හැදෙන්නේ. ඉතින් ඔවුන්ට සරස්වතී ගඟ ඕනේ. ඒ තමා සරස්වතී.

ඒ ප්‍රොජෙක්ට් එක රීශ්රායෙල් චන්ද්‍රිකා මගින් ගන්න භූ ලක්ෂණ සහ ශාඛ සැකසුම චායාරූප අනුව ගඟ කියල එකක් මාක් කරනවා. ගඟ දිගේ පස සහ වැවෙන ගස් සුවිශේෂී කියල ඒ අනුව තවම ගඟේ ශේෂයක් පවතී කියල ඔවුන් කියනවා. මෙතන ආගමික සහ දේශපාලන දැඩි මත වලින් විද්‍යාව දූෂණය වෙනවා. ඒ නිසා මෙලෝ දෙයක් ෂුවර් නෑ.

බී ජේ පී ගෙදර ගිය ගමන් කොන්ග්‍රසය ප්‍රොජෙක්ට් එක නවතනවා. සරස්වතී ගඟ සම්පුර්ණයෙන්ම නොපවතින්නක් කියල කියන විද්වතුන් ඉස්මතු වෙනවා. ආයෙම එතනත් දේශපාලනය සහ ආගමික විරෝධය නිසා විද්‍යාව දූෂිත වෙලා තියෙන්නේ.

මෝධි දිනපු ගමන් සරස්වතී සොයා පරණ සිතියම දිගේ හාරන්න පටන් ගන්නවා. රුපියල් කෝටි ගණනක් දාල කරන මහා ප්‍රොජෙක්ට් එකක්. අන්න ඒ හාරන අයට මීටර දහයක් පමණ යටදී වතුර හමුවෙනවා.

සරස්වතී දෙවඟන යලි ඉපදෙනවා, වේද ග්‍රන්ථ අනුව ඇය පොලොව යටින් ඇවිත් හිස එසෙව්වා කියන තැන ආසන්නයේදීම. ඒ නිසාම මුස්තාපාබාද් කියන ඒ ගමේ නම එක පාරට සරස්වතී නගර් වෙනවා. පළාතේම මුස්ලිම් උන්ගේ කනට ගහල හින්දු ආගමික අන්තවාදය නැගිටිනවා. අයිරණිය කියන්නේ ගඟ කියල හමුවෙච්ච වතුර හමුවන උදලු පාර ගහන්නේ පොලොව හාරන තැන වැඩ කල මුස්ලිම් සේවිකාවක්.

හැබැයි ප්‍රතියෝජක පිල කියන ආකාරයට මේ තරම් යටදී කෝමත් භූගත ජලය ලැබෙනවා. අනික මේක ගලන තරම් ලොකු වතුරක් නෙවි. ඒ නිසා මේක සරස්වතී නෙවි. මේ කාරනේදී හින්දු පූජකයිනුත් ඒ මතයට සහය දෙනවා. කාව රවටුවත් දෙවියන් රවටන්න බැරි නිසා. ඒත් බී ජේ පී ප්‍රාන්ත සහ ජාතික රජයන් කොහෙත්ම ඇහුම්කන් දෙන්නේ නෑ. කිමි පනහක් සරස්වතී හාරන්න තීන්දු කරනවා. ඒ හෑරුවම පිරෙන්න ස්වාභාවික ලෙස වතුර නැති නිසා ඉහලින් වේල්ලක් බැඳලා කෘතිමව ජලය දෙන්න. බේසිකලි උන්ට ඕනේ කෘතිමව හෝ සරස්වතී හදන්න.

මේ වීඩියෝ එක ටිකක් පරණයි, සරස්වතී කියල අපි දන්නා තෙලවල හන්දියේ ඉන්න මනුස්ස රූපී කෙනාගෙන් එහාට හින්දු ආගමික එසෙන්ස් එක කෙළවර ඉන්න ඇත්ත සරස්වතී හොයා යන ගමනක්.

අවසාන වශයෙන්. සරස්වතී කියන්නේ ගඟක්. දෙවඟනක් ලෙස අපි වඳින්නේ ඒ ගඟේ ස්වභාවික ලක්ෂණ වල එසෙන්ස් එක අරගෙන මනුෂ්‍යකරණය කරපු සංකල්පයකට.


Sunday, September 9, 2018

පැරණි යටත් විජිතයට හිඟමන් ගිය කොලෝනියල් බලවතා

මේකත් ප්‍රශ්නයක් සහ උත්තරයක්.

------------

මීට දශක කීපෙකට ඉස්සර පවා තමන්ගේ යටත් විජිතයක් වෙච්ච රටකින් සල්ලි ඉල්ලලා හිඟමනේ යන්න බලවත් කොලොනියල් රටකට මෑතකදී සිද්ධ වුනා. මේ යටත් විජිතය කොලොනියල් බලවතාගෙන් සියවස් ගානක් දුක් වින්ද නිදහස අමාරුවෙන් දිනාගත්ත රටක් වුනත් ඔවුන් මුදල් සපයනවා. ඒ නිසාම දැන් ඒ ඉපැරණි බලවත් රාජ්‍යයේ සමාගම් රාශියක් සහ වටිනා දේපොළ අයිතිකරගෙන එහි ලක්සරි ප්‍රදේශවල හයි එන්ඩ් ජීවිතයක් ගෙවන බර පිරිසක් පෙර කී යටත් විජිතයේ මිනිස්සු.

1. කොලොනියල් රට කවුද?

2. යටත් විජිතය කවුද?

3. යටත් විජිතය මෙතරම් ධනවත් වුනේ කොහොමද?

4. මේ යටත් විජිතයේ අගනුවර සුවිශේෂී ලෝක වාර්තාවකට හිමිකම් කියනවා ඒ මොකද්ද?

5. ඒ වාර්තාව හිමිවෙන හේතුව මොකද්ද?

---------------

කවුරුත් දන්නා පරිදි ඇන්ගෝලාව පෘතුගීසි යටත් විජිතයක්. ඒ වගේම පෘතුගීසින් වහලුන් අල්ලාගත්ත ප්‍රධාන තැනක්. ඇන්ගෝලාව පෘතුගීසින් අතින් සැහෙන්න කරදර විඳිනවා. එය සියවස් හතරකට වඩා ඔවුන් යටතේ තිබිලා 1975 නිදහස් වෙන්නේ සටනකින්. ඒ සටනේ පාර්ශ්ව දෙකක් පසුව සීතල යුද්ධයේදෙපැත්තට බෙදිලා නැවත සටන් කරන නිසා ඇන්ගෝලා සිවිල් යුද්ධය තව දශක තුනක් පමණ ඇදෙනවා. ඉන් සෝවියට්පැත්තට බර ඒකාධිපතියා බලය ලබාගෙන ඇමරිකන් පැත්තට බර ත්‍රස්තවාදියාගේ කල්ලිය වන යුනිටා එක්ක ගැටෙන්නේ. යුනිටා නායකයා මරා දමලා අවසානේ අන්ගොලාවේ සිවිල් යුද්ධය ඉවරවෙනවා 2000 දශකයේ.

සිවිල් යුද්ධයෙන් පස්සේ ඇන්ගෝලාවේ තෙල් සම්පත් දියුණු වීම නිසා ඔවුන්ගේ ආර්ථිකය ප්‍රසාරණය වෙනවා, ඉලක්කම් දෙකේ වර්ධන වේගයක් පවතී අවුරුදු පවා තියෙනවා. එහෙත් රටේ සම්පත් බෙදිලා නැහැ, ඔක්කොම වගේ මෙහෙයවන්නේ පාලක ඒකාධිපතියා සහ ඔවුන්ගේ පවුල්, හිතවතුන් විසින්. මේ නිසා ධනය විශාල ලෙස සංකේන්ද්‍රගත වෙලා තියෙන්නේ. ඇන්ගෝලාව අතිශයින් දූෂිත රටක්.

පෘතුගාලය මේ අතර ආර්ථික අතින්කඩා වැටිලා බංකොලොත් වෙන්න ගිහින් සහන සේවා කප්පාදු කර යුරෝපා සංගමයේ ණයකින් තමයි බේරෙන්නේ. මේ සිද්ධියෙන් පස්සේ පෘතුගාල අගමැති ලැජ්ජාව ලිස්බන් වල තියලා අන්ගොලාවට ගිහින් එහි රජයට කියනවා තමන්ගේ රටේ ආයෝජනය කරන්නකියලා. මේ යෝජනාවට ඇන්ගෝලාව කැමතිවෙලා ඇන්ගෝලාවේ හැදුනු බිස්නස් කොමියුනිටි එක බස්සනවා ලිස්බන් වලට. එක්තරා සීමාවකින් එහා ධන ආයෝජනයක් කරන අයට පෘතුගාලය සිටිසන්ශිප් පවා දෙනවා මෑතක සිට. ඒ යටතේ වැඩියෙන්ම ආවේ ඇන්ගෝලා සල්ලිකාරයෝ ලු.

දැන් පෘතුගාලයේ පත්තර ටීවී වාණිජ සමාගම් බැංකු රියල් එස්ටේට් වගේ ක්ෂේත්‍ර ගණනාවක් අයිති කරගෙන ඉන්නේ ඇන්ගෝලා සල්ලිකාරයින්. ආණ්ඩුවේ ආයතන පුද්ගලික අංශයට දෙනකොට එව්වත් ගිහින් තියෙන්නේ ඔවුන් අතට. ඒ පාලනය කොපමණ ද කිව්වොත් දැන් පෘතුගාල මාධ්‍ය අන්ගොලාවේ දූෂණ සහ මානව හිමිකම් උල්ලංඝන ගැන පවා මොකුත් කියන්නේ නැහැල්ලු. යුරෝ බිලියන 20 අවට විශාල ධනයක් ඇන්ගෝලාවේ මිනිස්සු ගෙනල්ලා තියෙනවා. ලිස්බන් වල ලක්සරි ලෙස සම්මත ස්ථාන වල ඔවුන් පදිංචි වන්නේ. විරැකියාවෙන් පෙලෙන පෘතුගාල තරුණ පිරිස් ඇන්ගෝලාවේ රස්සාහොයාගෙන යනනිසා දැන් ඇන්ගෝලා පෘතුගීසි ජනගහනය වර්ධනය වීමකුත් වෙනවාලු.

අන්ගොලාවේ ලුවන්ඩා අගනුවර ලෝක ප්‍රසිද්ධ වන්නේ ලෝකයේ ජීවන වියදම ඉහලම නගරය ලෙසටයි. මෙතැනදී ජීවන වියදම ඉහල කියන්නේ පිටස්තර අයට සහ හයි ක්ලාස් සමාජයට පමණයි. මිලියන හයක ලුවන්ඩා නගර ජනගහනයෙන් 2/3 පමණ ඉන්නේ යුද්ධේ නිසා පන බේරාගෙන අගනුවරට ආපු අවතැන් වූ පිරිස්. යුද්ධේ දිගට ඇදුනු නිසාදැන් ඔවුන්ට ආපහු යන්න බැහැ. ඒ මිනිස්සු ඉන්නේ මුඩුක්කු වල, ඒ මිනිස්සු කොහොම හරි එදා වේලක් හොයාගෙන ඉන්නවා. ඒ මිනිස්සු ඉන්න ආකාරයට පිර්ටරටින් එන හෝ සල්ලි තියෙන අයට ඉන්න බැහැ.

යන්තම් එදාවේල ඇරෙන්න අනිත් හැම දෙයක්ම ලුවන්ඩා වලට ආනයනය කරන්න වෙනවා, රටේ කිසිම නිෂ්පාදනයක් හෝ කෘෂි ආර්ථිකයක් නැහැ, යුද්ධය නිසා. ඒ ආනයන සපුරා පාලනය කරන්නේ පාලක පිරිසේ පවුල් [ජනාධිපතිගේ දුව බිලියන ගණනක ධනයක් හිමි ව්‍යාපාරිකාවක්] ඉතින් ආනයන ද්‍රව්‍ය වල මිල තීන්දු කරන්නේ තනි මතයට. ටෙන්ඩර් නැහැ නීති නැහැ. ඒකාධිකාරයක්. සාමාන්‍ය දෙයක් වන සපත්තු දෙකක් හොඳ කමිසයක් හෝ බර්ගර් එකක් වගේ දෙයක් යුරෝපේ වගේ දෙගුණයක් විතර ගණන් ලු.

ඒ මිලත් ගෙවාගෙන එහි ගැවසෙන පිටරැටියන් ඉන්නේ තෙල් ආර්ථිකය නිසා. නයිජීරියාවට පස්සේ ඇන්ගෝලාව තමයි අප්‍රිකාවේ ඒ හරියේ ලොකුම තෙල් සම්පත් හිමිකරු.

ලුවන්ඩා ලෝකයේ තෙවැනි විශාලම පෘතුගීසි කතා කරන නගරය [රියෝ, සාවෝ පාවුලෝ දෙකටපස්සේ], සහ විශාලම පෘතුගීසි කතා කරන අගනුවර.

යටත් විජිතයෙන් හිඟා කන්නට යන්නට සිදු වූ ඒ ස්වර්ණමය මොහොත

Image may contain: 2 people, people standing

Sunday, July 22, 2018

චන්ද්‍ර මෝහන් ජෙයින් හෙවත් භගවාන් ශ්‍රී රජ්නීෂ් හෙවත් ඕෂෝ

ඕෂෝ ගේ කතාව පිටස්තර ඇසකින්.

දැන් පිටස්තර කිව්වේ ඇයි කිව්වොත් මම ඕෂෝ ගේ පොත් කියවා නෑ. කියවන්න කියල ලොකු අදහසකුත් නෑ. ඒ නිසාම මම ඕෂෝ ගේ දර්ශනය විවේචනය කරන්නෙත් නෑ. මේ ඕෂෝ වටා නිර්මාණය වන සිද්ධි ගැන පොඩි විශ්ලේෂණයක්. ඒ සඳහා ඕෂෝ ගැන වගේම 
ඔහුගේ ලේකම්  වරිය  හෙවත්  ඔහුගේ  වැඩසටහනේ  සැබෑ  ආකිටෙක්ට්   ලෙස  කටයුතු  කළ   ශීලා ගැනත් කියවන්න වෙනවා. ශීලා ගැන යු ටියුබ් ගමකට තියෙනවා. ශීලා කතා කරන එව්වා.

ඕෂෝ  ගේ  එව්වත්   තියෙනවා. පොඩි අදහසක්  ගන්නඑකක් දානවා මෙතන.

1. ඕෂෝ වයස් 21 දී එන්ලයිටන්මන්ට් එකක් ලැබුණා කියනවා. ඒ ලෝකය ගැන අවබෝධයක් වගේ අර්ථයකින්. බොහොම ගැඹුරු අවබෝධයක්. මෙකකෙතරම් ස්ට්‍රෝන් ද කිව්වොත් ඕෂෝ විවාහ වන්නේත් නෑ

2. ඕෂෝ දිගටම ඉගෙන ගන්නවා පශ්වාත් උපාධි දක්වා. දර්ශනවාදය ගැන. ඉන්දීය විවික දර්ශනවාදය උගන්වනවා

3. ඕෂෝ මේ අතරේ දේශනා කරනවා . ඒ දේශනා වල තියෙන්නේ භාවනා ස්පිරිචුලලිටි සහ පවතින රාමුව ගැන විවේචනයක්. ඒ වගේම ඔහු සෙක්ස් ෆ්‍රීඩම් වගේ 60 දශකය වෙද්දී බටහිර පවා පිලි නොගත් දේවල් දේශනා කරනවා. ඒ සමහර දේවල් ගැන ඔහු අනාගතවාදියෙක්. ඕෂෝ පවතින සියලු ආගම් විවේචනය කරනවා හින්දු ඇතුළුව. ඊට එක හේතුවක් ආගම් සියල්ල සීමාකාරී මිනිසුන් නීතිවලින් බඳින ඒවා වීම

4. ඕෂෝ ගේ දේශනා වටේ ඉන්දියන් මිනිස්සු බැඳෙනවා. ඔහු ධනවතුන්ට  ස්පිරිචුවල් සපෝට් දෙනවා. ඊට විශාල මිලක් අයකරනවා. කන්ට්‍රවර්සි නිසා විවියේ සේවයෙන් නෙරපනවා, ඕෂෝ ආශ්රම් එකක් හදාගෙන සෙට්ල් වෙනවා. මේ කාලේ ඕෂෝ ගේ සෙකට්‍රි ධනවත් පවුලක කාන්තාවක්. ඔහු රඳා පවතින්නේ ආධාර මත. ඉන්දීය සමාජයේ. ඒ හරහා විශාල ධනයක් එකති වෙනවා.

5. ඕෂෝ බටහිර ජනප්‍රිය වෙනවා. හිපි මූමන්ට් එක එක්ක ආපු පෙරදිග ගැන අවෙයානස් එක නිසා වෙන්න ඇති. බටහිර ජනයා ආශ්රම් එකට එනවා භාවනා කරන්න සහ "එන්ලයිටන්" වෙන්න. ඕෂෝ උන්ගෙන් මුදල් අයකරනවා

6. කතාව පුරාම පෙනෙන දේ නම් ඕෂෝ තම එන්ලයිටන්මන්ට් එක බෙදුවේ මුදල් වලට කියල. ඔහුගේ මූමන්ට් එක පුරාම ඔහු ලඟින් ඉන්නේ සල්ලි කාරයින්. බටහිරත් ධනවත් හෝ මධ්‍යම පාන්තික උගතුන්. ඕෂෝ මුන්ට ග්‍රීඩ් එක අතාරින්න කියනවා. ඒ අතාරින වෙල්ත් එක තම මූමන්ට් එකට ගන්නවා. ශීලා ට අනුව ඕෂෝ කියන්නේ හොඳ කැපිටලිස්ට් කෙනෙක්. එන්ලයිටන්මන්ට් කියන්නේ නියම ප්‍රොඩක්ට් එකක්. ඒක ද්‍රව්‍යමය නෑ, නිෂ්පාදන මිලක් නෑ. දුන්නට පස්සේ මට ලැබුණේ නෑ කිව්වොත් ඒක ගත්ත එකාගේ වරද, ලැබුණා කිව්වොත් ඒ ඕෂෝ ගේ හැකියාව. අනික රිටර්න් කර සල්ලි ඉල්ලගන්න බෑ.

7. කෝම හරි ඕෂෝ ගේ දර්ශනය අමු පුස්සක් වෙන්න බෑ එක අල්ල ගත්ත මිනිස්සු දිහා බැලුවම. ඔහු සමාජයේ සංවේදී නිලයකට  ගහනවා කිවහැකියි.

8. ධනවත් ඉන්දීය ගැහැණිය ඉන්දියාව තුල ඔහු එස්ටබ්ලිෂ් කලාට ඒ මදි. ඕෂෝ ඇය  ඉවත් කර ශීලා සෙකට්‍රි කර  ගන්නවා. ඇමරිකන් මාස්ටර්ස් එකක් තියෙන බටහිරට ඇක්සස් කළහැකි ක්‍රියාකාරී ගැහැනියක්. මේ ක්ලෝස් ටයර් එකේ ගැහැණු ඕෂෝ සමග සෙක්ස් පවා කල බව ශීලා ගේ කතාව අනුව හිතෙනවා. මම ඒක හයිලයිට් කරන්නේ ඕෂෝ ඇත්තටම මේ දර්ශනය තුලින් තම සියලු අවශ්‍යතා සපුරා ගත් බව කියන්න.


9. 70 දශකයේ අග ඉන්දියාවේ පාලක පක්ෂය ඔවුන්ට වලි දානවා . චෝදනා වනුයේ සාමාජිකයන් ට වයලන්ට් ක්‍රම වලින් එන්ලයිටන්මන්ට් දීම [කාමර වල බලෙන් සිර කිරීම වගේ] මත්ද්‍රව්‍ය සහ ගණිකාවන් [ෆ්‍රී සෙක්ස් සහ නාකොටික් ෆ්‍රීඩම් නිසා මෙහෙම කිව්ව වෙන්න පුළුවන්] . ඕෂෝ මේවා මෙහෙමම කරන්න කියූ බවට සාක්කි නැතත් ඔහු ඒවා දන හුන් බවත් අනුමත කල බවත් කියවෙනවා. එසේම ඕෂෝ ගේ ටැක්ස් free ස්ටේට් එක ඉවත් කල විට ඩො මි 5 ක ටැක්ස් එකක් සෙට් වීම. මේ චෝදනා වලට මුලදී ඔහුට සහය දුන්නු ඉන්දිරා ගේ විපක්ෂයත් පස්සේ සපෝට් කරන එක ඒවා නිවැරදි බවට සාධකයක්. ශීලා ගේ මෙහෙයවීම එක්ක ඕෂෝ ඉන්දියාව හැර යනවා

10. ඇමරිකාවේ ඔරිගන් වල ගම්බද පෙදෙසක ව සැ 100 ක පමණ විශාල ඉඩමක් සල්ලි වලට ගන්න තරම් ඔවුන්ට සල්ලි තියෙනවා, මේකනම් දත් දොස්තර කෙනෙක් ලෙස ඕෂෝ දක්වන හැකියාව ඉතින්. මේ ඉඩමේ සියල් සපිරි මාලිගාවක ඉන්න ඔහුට හැකිවෙනවා. ඔහු සියලු සම්පත් විඳිමින් ජනයාගේ පූජනීයාත්වයට පත් වෙමින් මේ යුටෝපිය නගරය [රාජ්නීශ්පුරම්] හදන සැලසුමේ ඉන්නේ. දිනකට පැය 12ක් ඔක්කොම වැඩ. නගරයක් දුවන්න අවශ්‍ය ශිල්ප දැනුම තියෙනවා. එයාපෝට් හොස්පිටල් ලැබ්ස් එහෙමත් තියෙනවා. හැබැයි ඔක්කොම ගොවිතැන් සහ පොදු වැඩත් කරනවා. මේ කිසිවකට ඕෂෝ ගෙවන්නේ නෑ සියල්ලට ගෙවන්නේ අනුගාමිකයන් මයි.

11. ඔරිගන් ස්ටේට් එකේ බලධාරීන් එක්ක ගැටුම් ඇතිවෙනවා. පළාතේ ජනයා ප්‍රතිරෝධයක් දක්වනවා. මීට එක හේතුවක් වන්නේ ඇමරිකාවේ ක්‍රිස්තියානි ජාතිවාදය, හැබැයි ඕෂෝ ලා පිටින් මිනිස්සු ගෙන්වන එක ගැන ඔවුන් විරුද්ධ වෙනවා නගරයේ බොහෝ දෙනා ඇමරිකන් සිටිසන්ලා නෙවි. ඕෂෝ පවා. ප්රෝස්ටිටියුශ්න් සහ මත්ද්‍රව්‍ය චෝදනා ආයේ එනවා, හැබැයි නවත වරක් මීට හේතුව උන්ගේ නිදහස් ගති වීම පමණක් වෙන්න පුළුවන්.

12. මේ වෙද්දී ශීලා අතිශයින් ක්‍රියාකාරියි. ඕෂෝ වෙනුවෙන් පාලනේ ගෙනියන්න්නේ එයා ඕෂෝ ඒ කිසිවක භෞතික අගයක එල්බ ඉන්නේ නෑ. හැබැයි ඔහු තමා ශීලා මෙහෙයවන්නේ. ශීලා කියන පරිදි ඕෂෝ එකම දෙගන දවස් දෙකක දරන්නේ මත දෙකක් හැබැයි ඒ දෙකම ඔහුට මනා සේ පැහැදිලි කල හැකියි. එසේම ඔහු exact කතා  කියන්නේ නෑ [සියලු ආගමික බිස්නස් කාරයින් කරන දෙයක්]. ඔහු සියල්ල කියන්නේ දාර්ශනික අදහස් ලෙස. රාජ්නිශ්පුරම් වල කට්ටිය ඒවා රියලිටිය එක්ක ගලපා ගත්ත මිස ඕෂෝ ඒවා ගැන හෙව්වේ නෑ. ඉතින් මේ ග්රූප් එකේ නියම නායිකාව ශීලා. ඕෂෝ අධ්‍යාත්මික නායකයෙක්. ශීලාට ඕෂෝ කියන දේවල් තේරිලා නෑ වගේම තේරෙන්න තරම් පැහැදිලිත් නෑ. එය අ කලේ එයාට තේරුණු දේ

13. ඕෂෝ කියන්නේ ඉන්ඩිවිජුවලස්ම් දේශනා කල අයෙක්. කලෙක්ටිවිස්ම් විරොධියෙක්. එහෙත් ඔහු ගොඩනගන්නේ කලෙක්ටිවිස්ට් සමාජයක්. හැබැයි ඔහු කියන්නේ ඒවා ගැන ඔහු වොරීඩ් නෑ කියල. ඇත්තෙම්ම සමාජය හදන්නේ ශීලා ඇතුළු අනුගාමිකයන් ඕෂෝ කරන්නේ දේශනා ආදිය කරමින් එතන ඉන්න එක.

14. ඔරිගන් වල බලධාරීන්ගෙන් බේරෙන්න මෙයාල කරන්නේ මෙයාල චන්දේ ඉල්ලන එක. එහෙම කරලා ඇන්ටිලොප් කියන 75 ක ජනගහනයක් තියෙන නගරෙක බලය මුන් අල්ලනවා. ඊට පස්සේ වෙස්කෝ කවුන්ටි  වල ප්‍රධාන චන්දෙට මෙයාල ඉදිරිපත් වෙනවා.


15. වෙස්කෝ කවුන්ටි චන්දෙට ඉදිරපත් වීම ඕෂෝ ගේ අදහසක් වගේ පෙනෙන්නේ අඩුම ගානේ එහෙම දෙයක් හින්ට් කරන ඒකවත් ඕෂෝ කරනවා. සැලසුම ක්‍රියාත්මක කරන්නේ ශීල. ශීලා දිගටම කියන්නේ ඕෂෝ ගේ මග පෙන්දීම යටතේ ඔහුගේ සැලසුම සාර්ථක කරගන්න කලයුතු හැමදේම ඇය කළා කියල.

16. පළවෙනිම දේ චන්ද දායකයින් එකතු කිරීම මේ සඳහා ඇමරිකාවේ තැන තැන ඉන්න හෝම්ලස් උන්ට කන්න බොන්න දෙනවා කියල ශේල්ටර්ස් හදලා රාජ්නීශ්පුරම් වලට ගේනවා. උන්ව ලියාපදිංචි කිරීමෙන් චන්ද වැඩි කරගන්න හදන්නේ.

17. ඒත් එකතුවුන ගණන මදි. ඒ නිසා ශීලා තීරණය කරනවා කවුන්ටියේ ජනතාව ලෙඩ කරලා චන්දෙට යන ගණන අඩු කරන්න. වෙන දිනන්න විදිහක් නෑ. ඒ නිසා ඔවුන් සැල්මොනෙල්ලා ගෙනත් ඔවුන්ගේ ලැබ වල කල්චර් කරනවා. ට්‍රයල් එකක් ලෙස ඒවා රෙස්ටෝරන්ට් කීපෙකට දානවා. 750 ඉක්මවා ලෙඩ වෙනවා. මේ ට්‍රයල් එක. මේක මහා පරිමානෙන් කලොත් සහ වතුර සප්ලයි එකට දැම්මොත් මුළු ප්රාන්තේම චන්දෙන් ඉවත් කරන්න ශීලා සැලසුම් කරනවා. දැන් මේ මට්ටමට ඕෂෝ සම්බන්ධ ඇතැයි මම හිතන්නේ නෑ, ඒත් මේ ගානට මුන්ව ගෙන එන්නේ ඔහු. ශීල ඇටර්නි ජෙනරාල් මරණ ඔප්ෂන් එක පවා කන්සිඩර් කල බවට කියවෙනවා. මේක 100% ෂුවර් නෑ.

18. ආ මේ වෙද්දී සාමයෙන් ආපු ඕෂෝ ලා මිලිශියා එකක් නඩත්තු කරනවා ආරක්ෂාවට කියල. ශීලා තමා ලීඩ් කරන්නේ. ගන්ස් පේනවා වීඩියෝ වල.

19. මේ අතර ඔවුන් දන ගන්නවා හෝම්ලස් උන් රෙජිස්ටර් කරන්න බෑ කියල. සැලසුම් අසාර්ථකයි. සියල්ල අතහැර දානවා. ඒ කිසිවක් කාටවාත් මාට්ටු වෙන්නේ නෑ. හැබැයි සැක කෙරෙනවා. සෙනෙටර් කෙනෙක් සැක කරනවා සැල්මොනෙල්ලා රෝගය මුන්ගේ වැඩක් කියා.

20. මේ අතර බලධාරීන් ඕෂෝ වටේ කැරකෙනවා මොකද ඕෂෝ අර ඇමරිකන් නොවන සිය අනුගාමිකයින් ෆේක් විවාහ හරහා ඇමරිකන් සිටිසන් බවට හරවාගෙන ඉන්න නිසා. මේ කේස් එක මේ වෙද්දී 
 යටින් දුවනවා. හැබැයි ඕෂෝ ගේ කට්ටිය කියන්නේ මේක ඔහුව කොටු කරන්න හදාපු බොරු ප්‍රෝඩාවක් කියා.

21. ඕෂෝ ශීලා භේද වෙනවා. බොහෝවිට හේතුව ශීලා කරන්න ගිය විනාශකාරී දේවල් වෙන්න පුළුවන්, හරියටම දන්නේ නෑ. ඕෂෝ පොලිසියට කියනවා සිද්ධිය, ශීලා පලා යනවා ජර්මනියට.

22. ඕෂෝ ත් පලයන්න උත්සහ කරනවා. දෙන්නවම අල්ලනවා. ඕෂෝ ගේ සිටිසන්ශිප් සිද්ධිය ශීලාගේ විනාශකාරී සැලසුම්.

23. ශීල කියන හැටියට ඔරිගන් බලධාරීන් එක්ක එකඟතාවයකින් ඕෂෝ ඉන්දියාවට් යවන පොරොන්දුව පිට ශීලා හිරේ ගියේ, ඒවා එහෙම්ම දන්නේ නෑ. ඕෂෝ ඩිපොට් කරනවා ශීලා වසර 3+ හිරේ,

24. ඕෂෝ ආපහු ඉන්දියාවට ගිහින් තමන්ගේ ආශ්රම් එකේ අවු 5 ක් ඉඳල මැරෙනවා. ශීලා නිදහස් වෙලා ස්විට්සර්ලන්තේ ඉන්නවා. රාජ්නීෂ් වරු විවිධ ආකාරෙට තවමත් ලෝකේ ඉන්නවා. ඕෂෝ දර්ශනය පවතිනවා. හැබැයි යුටෝපියාව ඇරෙන්න.

25. කෙසේ නමුත් බටහිර එබ්‍රහමික දර්ශනේ හිරවෙච්ච සමාජය වඩාත් මොඩර්න් විදිහට ලෝකේ දකින්න ඕෂෝ කල වෙනස බලපාපු බව කියනවා. ඕෂෝ හිපි ව්‍යාපාරය වගේම පවතින තඩි දොග්මා එක කඩල ඒ තුල තමනුත් විනාශ වෙනවා. හැබැයි ඒ වගේ බිඳපු තැන්වලින් තමා ලෝකය ඉස්සරහට යන්නේ

Wednesday, July 11, 2018

තායිලන්තයේ තාම් ලුවාන් උමගේ කතාව

මේ සටහන තියන්නේ සුවිශේෂී කතාවක් ගැන මතක සටහනක් වශයෙන්. සමහර ජීවමාන අවස්ථා තියෙනවා "මම ඒක දැක්ක" කියල දරුවෙකුට දවසක කියන්න පුළුවන් අවස්ථා. යුරි ගගාරින් අභ්‍යවකාශයේ පළමු ගමන ගිය දිනය, ආම්ස්ට්‍රෝන් සහ ඔල්ඩ්රින් සඳ මත පා තැබීම වගේ දෙයක් වෙන්න පුළුවන්. දෑසින් දැක්කෙම නැතත් සමහර විට මනසින් වත් පරිකල්පනය කරන ලෙස ප්‍රධාන ධාරාව එක්ක සම්බන්ධ වී සිටීම. 2009 යුධ ජයග්‍රහණය, 2004 සුනාමිය

මේකත් එහෙම අවස්තාවක්. ඇත්තෙන්ම මේ සටහන එන්නේ අදාළ සිදුවීම  ගැන  ෆේස්බුක්  පෝස්ට්  එකක  එක්රැස්  කල කාරණා  ඇසුරෙන්.   කමෙන්ට් 1200  සහ  ශෙයා  කිරීම්  110  ඉක්මවා ගිය  ඒ  පෝස්ට්  එකට  සම්පත්  දායකත්වය සහ  සහබාගිත්වය සැපයු  සැමට  ස්තුති  කරන්න  මේක  අවස්තාවක්  කරගන්නවා.

අපි ඔක්කොම මේ ගමන එක්ක යන්න තීරණය කළේ තායිලන්තයේ පාපන්දු පිලක ඇසිස්ටන්ට් කෝච් කෙනෙක් වන එක්පොල් හෙවත් "එක්". ඔහු කුඩාකල මවුපියන් අහිමි වීමෙන් පස්සේ මහණ දිවියට ඇතුළු කරලා පස්සේ තම මිත්තනිය රැක බලාගන්න සිවුරු ඇරපු අවු 25 ක තරුණයෙක්. එක් තරමක් එක්ස්ට්‍රීම් කෝචින් ටෙක්නික් යොදාගත්ත, එහෙත් එනිසාම කණ්ඩායමේ ආදරයට පාත්‍ර වෙච්ච කෙනෙක්. ඔහු තම කණ්ඩායමට ටීම් බිල්ඩින් සඳහා අසීරු ඉලක්ක සැපයු අතර ඒවා බොහෝ විට ඇඩ්වෙන්චර් ක්‍රියා.

ඔවුන් ජීවත් වුණේ තායිලන්තයේ චියන් රයි පළාතේ බුරුමය සමග බෝඩර් එකේ පිහිටි මා සයි නගරය අවට. චියන් රයි කියන්නේ තායිලන්තයේ උතුරින්ම පිහිටි පළාත. ඒ අවට බුරුමයට සහ ලාඕසයට මායිම් වන මීකොන් නදියේ ලොව ප්‍රකට හන්දියක් තියෙනවා ස්වර්ණ ත්‍රිකෝණය කියල [පසුකාලීනව එහි මත්ද්‍රව්‍ය නිෂ්පාදන නිසා අද මේ නම යෙදෙන්නේ මත්ද්‍රව්‍ය කලාපය හඳුන්වන්න]. බුරුම අනාතයින් එදිනෙදා රස්සාවට එන බුරුම ජාතිකයන් සහ බෝඩරය හරහා ආවාහ විවාහ නිසා තායිලන්තයේ උතුරුදිග ම නගරය වන මා සයි බුරුම තායි ජන මිශ්‍රණයක් සහිත නගරයක්. ග්‍රාමීය ප්‍රදේශයක් නිසා එකිනෙකා කෙරෙහි ලං ව බැඳුන සමාජයක්.

Image result for chiang rai location

ගිනිකොණ ආසියානු උස්බිම් කියන හිමාලයට නැගෙනහිර කඳු පද්ධතියේ උසින් අඩු කෙළවරවල් මේ ප්‍රාන්තය තුල තියෙනවා. තායිලන්තයේ දිගම ගුහා පද්ධතිය වන කිමි 10 කට වඩා දිග තාම් ලුවාන් ගුහාව පවතින්නේ මා සයි නගරය අවට. මේ ගුහාවේ මුල හරිය බොහෝ දෙනා ඇවිද ගෙන යන කොටසක් එහෙත් සමහර තැන් අඩි තිහ හතලිහ උස කඳු නැගීමේ හැකියා අවශ්‍ය ගල් කුළු ඒ වගේම පටු ස්ථාන සහිතයි. වැසි සමයේ ගුහාවට යන්න එපා කියන්නේ ගුහාවේ මුවවිට වටේ භූමියට වඩා පහතින් පිහිටි නිසා ඒ කොටසට වතුර පිරෙන බැවින්.

එක් විසින් තම කණ්ඩායමට ලබාදෙන එක අසීරු අභ්‍යාසයක් වෙන්නේ මේ ගුහාව ඇතුලට යන එක. ගමන මිස් වෙච්ච සමහර සිසුන් කියන පරිදි එක්තරා තැනක තම නම ලියා එන්න කියන අභියෝගය තමා දෙන්නේ, ඒ සමගම කණ්ඩායමේ කෙනෙකුගේ උපන්දිනයකුත් යෙදෙන නිසා ඇතුලෙම උපන්දින පාටිය දාන්න කෑමත් අරගෙන කට්ටිය යන්නේ. වයස 11-16 අතර දරුවන් 12 ක් සහ පුහුණුකරු එක් මේ ගමනට සහබාගි වෙනවා.

ඔවුන් කරන මිස්ටේක් එක වන්නේ වැසි සමයක මේ ගමන යොදාගැනීම. එපා කියා අනතුරු අඟවා තිබ්බත් ඕනේ තරම් ගමේ අය වැසි කාලවල යන බවත් කියවෙනවා. ඒ අනුව අනතුරු ඇඟවීම එතරම් සීරියස් සලකන බවක් පෙනෙන්න නෑ. කෙසේ වෙතත් කණ්ඩායම ගුහාව ඇතුලේ ඉන්න වෙලාවේ විශාල මෝසම් වර්ෂාවක් වැටිලා වටෙන්ම ගලන වතුර ගුහාවට පිරෙන්න ගන්නවා. පුනීලයක් වගේ එකතුවෙන මේ වතුර ඇතුලේ සිහින් තැන්වල සුනාමියක් වගේ පිරෙන බව කියවෙනවා. ඇතුලේ වෙච්ච දේ තවම අපි දන්නේ නෑ. කෙසේ වෙතත් කණ්ඩායම මුලින්ම මුහුණ දුන්නු ගැටලුව ලෙස සැලකෙන්නේ ආපු පාර ජලයෙන් යටවීම. ගුහාව සම්පුර්ණයෙන්ම පිරීම නිසා කිමිදෙන්න වන තැනුත් මුල හරියේ තියෙනවා, කණ්ඩායමේ ඔක්කොටම වගේ පිහිනන්නවත් බෑ. ඒ නිසා ආපහු එලියට එන්න කොහෙත්ම බෑ කට වතුරෙන් සීල් වෙලා. කණ්ඩායම මේ නිසා වඩාත් ආරක්‍ෂිත තැන් සොයමින් ඇතුලට ගියා කියා හිතනවා.

කෙසේ නමුත් දෙවැනි ගැටලුව වන්නේ කන්දේ ඇතුලේ දිය සීරාව ලීක් වෙලා ගුහාවේ ඇතුලේ අසීරු තැන් පිරී යාම. ජල උස අඩි තිහක් වගේ වෙන තැනුත් තියෙන නිසා මේ වෙද්දී ගුහා සංකීර්ණය ලෝකේ ඉන්න විශේෂඥ මට්ටමේ ගුහා කිමිදීම් කරන කෙනෙකුට පවා අසීරු වන ගානට ඇවිත්. කණ්ඩායම කෙසේ පණ බේරාගෙන ගියාද කියා අපි තවම නොදන්නා නමුත් ඔවුන් ගියා කියා හිතන සමහර තැන් අඩි දෙකක පමණ විශ්කම්භයක අඩි පනහක් පමණ දිග තැන්. දැන් චෝක් පොයින්ට් කියන එක තැනක් අඩියකට වඩා මදක් පළල තැනක්. මේවා වතුරෙන් පිරෙන්න පෙර ඔවුන් යන්න ඇති ඒ සමගම ඔවුන් පසුපසින් වතුර ඇවිත් පිරෙන්න ඇති.

ළමයි සහ පුහුණුකරු අතුරුදහන් වීම එක්ක හැමෝම කලබල වෙලා මේ අය හොයන මෙහෙයුමක් පටන් ගන්නවා. මුලින්ම තායි නාවික හමුදාවේ මුහුදු, ගුවන්, ගොඩබිම් ඒකකය හෙවත් සීල් යුනිට් එක මේකට සහබාගි වෙන්නේ. ගුහාවේ ජලය පිරුණු තත්වය නිසා ජාත්‍යන්තර මට්ටමින් ගුහා කිමිදීමේ විශේෂඥයින් මේ වැඩේට එකතු වෙනවා. විදේශිකයන් වුනත් ඔවුන්ගෙන් සමහරු තායිලන්තේම කිමිදීම් ආශ්‍රිත සංචාරක ව්‍යාපාර කරන එක නිසා වෙන්න ඕනේ මෙතරම් ඉක්මනින් ඔවුන්ගේ සමාජයේ ජාත්‍යන්තර අවධානය ලැබෙන්නේ. එසේම  මේ ගුහාව සිතියම්ගත   කල  බ්‍රිතාන්‍ය  ජාතිකයා  සොයා   තායි රජය  යාම  නිසා  බ්‍රිතාන්‍ය  ගුහා කිමිදුම්  සමාජයේ  අවධානය   කල්තියා ලබා  දෙන්න  ඔහු  සමත්  වෙනවා.

මේ විශේෂඥයින් අතර රිචර්ඩ් ස්ටෑන්ටන් සහ ජෝන් වොලන්තන් කියන බ්‍රිතාන්‍ය ජාතිකයන් දෙදෙනා තමා දුරටම යන්නේ. කිසියම් හේතුවකට ළමයි ගුහාවේ එක කුටීරයක ඉන්න ඕනේ කියා ඔවුන් හිතනවා, මම හිතන්නේ ගමනට සහබාගි නොවූ අය දැනගෙන ඉන්න ඇති ගමනේ සැලසුම. මේ ස්ථානය ගුහාවේ කිමි තුනක් පමණ එහා තියෙන වැලිපරයක් [නම ලියල එන්න කිව්වේ මෙතන වෙන්න පුළුවන්]. තායිලන්තයේ සුප්‍රකට පට්තායා වෙරළ නමින් මෙතනට පට්තායා බීච් කියා කියනවා [ඇත්ත පට්තායා වෙරළ තියෙන්නේ බැංකොක් වලට දකුණින්, මේ ස්ථානය එක්ක කිසිම සම්බන්දයක් නෑ. එහෙත් පට්තායා නම ප්‍රකට නිසා ගුහාවේ වැලිපරයට ඒ නම දැම්ම වෙන්න පුළුවන්. පට්තායා II කියල ගංගාවක වෙරලකුත් මේ ප්‍රාන්තයේ තියෙනවා]. කෙසේ වෙතත් ඒම වැලිපරය තරමක් උස නිසා ළමයි ඕකේ උඩ ඇති කියලයි එතනට යන්නේ. එහෙත් කිමිදුම් කරුවන් නොසිතු සේ එතන වැලිපරය සම්පුර්ණයෙන් යටකරගෙන විශාල දියපහරක් ගලාගෙන යනවා.

ඊ ගාවට වෙච්ච දේ තමා මේ සිදුවීමේ පුදුම සහගතම තැන. මඩ වතුරේ අතපත ගාලා මිසක් හොයන්න බැරි තත්ත්ව යටතේ මේ දෙන්න හොයා ගන්නවා අර පෙර කියූ අඩි දෙකක් විෂ්කම්භය සහිත ගුහා කට. ඔවුන් විෂය විශේෂඥයින් නිසා දිය ගලන ආකාරය සලකා සොයාගත්තා වෙන්න පුළුවන්. මේ පටු කුහරය අඩි පනහක් පමණ දිගයි, මේ වෙද්දී ජලයෙන් පිරිලා. ඒත් මේ දෙන්න ඒ හරහා යනවා. කොහොම ඒ වගේ අවදානම් සහ පුදුමාකාර තීන්දුවකට ආව ද දන්නේ නෑ. පෙර කියූ සියලු අසීරු තැන් තියෙන්නේ මේ පට්තායා වෙරළින් එහා කොටසේ. සියල්ල තනිකර අඳුරේ හිස්වස්මේ එලිය පවා වැඩක් නෑ මඩ ජලය නිසා.

තවත් කිලෝමීටරයක් පමණ සහ අඩි තිහකට වඩා දියයට ගැඹුරේ කිමිදුමකින් පස්සේ මේ දෙන්න හොයා ගන්නවා ළමයි සහ පුහුණුකරු උසින් පිහිටි පස් කණ්ඩියක් මත ඉන්න බව. පෙර කී පටු කුහරයට පිරෙන වතුර ඔවුන් ආසන්නයට ඇවිත්. ඉතා කුඩා ඉඩක ඔවුන් දින නවයක් ඉන්නවා. පාටියට ගෙනා ආහාර සලාක ක්‍රමයට බෙදාගෙන තියෙනවා. එසේම පුහුණුකරු ඔවුන්ට භාවනා මගින් ශක්තිය ක්ෂය වීම අවම කරන හැටි හුරු කළා කියනවා. ඔවුන් හිතාගන්න බැරි තරම් යහපත් මානසික තත්වයක ඉන්නවා. භාවනා සහ කණ්ඩායම් හැගීම නිසා වෙන්න පුළුවන්.

දැන් කතාව දිහා ආපහු හැරිලා බැලුවොත්; ළමයි ඉන්නේ මුව විටෙ සිට කිමි 4ක් දුර, අඩි කීපයක් උස ගැට්ටක.. වතුර අඩි කීපයක් පහල වෙනකම් ඇවිත්. මේ දුර යන්න දැන් වෙද්දී වතුරේ අඩි 30 වගේ ගැඹුරට මුළු දුරම වගේ කිමිදෙන්න ඕනේ. ඒ වගේම මිනිස් සිරුරක වටරවුමේ තරම් හීනි ටනල් කෑලි වලින් යන්න ඕනේ. එසේම ගුහාවේ ඊට පෙර පෙදෙස් සියල්ලම ජලයෙන් යට වෙලා, කලින් කඳු නැගීම් කල තැන්වල දැන් කිමිදීම් අවශ්‍යයි. පැය හයක් යනවා එක්ස්පීරියන්ස්ඩ් කේව් එක්ස්ප්ලෝරර් කෙනෙකුට එළියේ සිට කණ්ඩායම ඉන්න තැනට යන්න.

No automatic alt text available.

වතුර තියෙනකම් හොඳ ඩයිවින් ස්කිල් නැතුව එන්න බෑ. වතුර මෝටර් දාල ඉස්සත් මාස 4ක් වත් වැස්ස තියෙනවා. ඒ නිසා කලින් කතා වුනේ මාස 4 ඔතන තියන්න. ඒත් මෝසම් ක්‍රියාකාරිත්වයක් නිසා ඉදිරි දින කීපයේ මහා වැසි ඇද හැලෙන බවට අලුත් නිවේදනයක් ආපු නිසා බේරගන්න නම් දැන් ගේන්න ම වෙනවා. නොවේනම් ඔය ඉන්න තැන පිරිලා ගිලිලා මැරෙයි. එසේම 16% ට පමණ ඔක්සිජන් මට්ටම අඩුවීම සහ කාබන් ඩයොක්සයිඩ් මට්ටම වැඩිවීම කියන ගැටළු දෙකත් ඉක්මනින්ම තීරණාත්මක තත්වයක් ඇති කරන්න පුළුවන්. ඒ නිසා දිගු කලක් ඔතන තියන්න බෑ . ඔක්සිජන් 12% ට අඩු වුනොත් හෝ කාබන් ඩයොක්සයිඩ් වැඩි වුනොත් එහෙමත් නැත්නම් තව වැස්සකින් ජල මට්ටම නැග්ගොත් ඔවුන් මිය යනවා.

No automatic alt text available.

තායි සීල් භටයින් සහ ස්වෙච්චා කිමිදුම් කරුවන් දරුවන්ට අවශ්‍ය ආහාර සහ සෞධ්‍ය පහසුකම් සපයනවා. සෞඛ්‍ය සේවා සැපයිය හැකි සීල් භටයින් සහිත ටීම් එකක් දිගටම ඔවුන් එක්ක ඉන්නවා. ඒ අය කණ්ඩායමට පිහිනුම් සහ කිමිදුම් පාඩම් ලබාදෙනවා. වෙනම ටීම් එකක් සහන සේවා වෙනුවෙන් එදිනෙදා පැය එකොළහක රවුන්ඩ් ට්‍රිප් එක යනවා. හිතාගන්න අමාරුයි මේ වගේ සියුම් කුහර අස්සෙන් එදිනෙදා මේ කට්ටිය කොහොම ආවා ගියාද කියල. පෙර කී පටු කුහරයෙන් ස්කුබා ඇඳුමේ වායු සිලින්ඩරය එක්ක යන්න බෑ සිලින්ඩරය ඉදිරියට ගෙන තල්ලු කරමින් යන්න ඕනේ. ඒත් අඩුවෙන ඔක්සිජන් වෙනුවෙන් අමතර සිලින්ඩර පවා සපයා දෙන්න ඔවුන් සමත් වෙනවා.

මෙන්න මේ කටයුතු අතර කණ්ඩායමට ඔක්සිජන් සපයන්න ගිය සේවයෙන් ඉවත්වූ සාමාන් ගුනාන් නම් සීල් භටයෙක් ආපහු එද්දී තමන්ගේ ඔක්සිජන් ඉවර වීමෙන් මිය යනවා. මේක මම හිතන්නේ මුදාගැනීමේ අවදානම ගැන හොඳ කියවීමක් වුනා.

මම මේ වැඩසටහනේ දකින ලස්සනම දේ නම් ඔවුන් මෙය කළමනාකරණය කල හැටි. පලවෙනි ලොජිකල් වැඩේ තමා කට අවට තියෙන වතුර බැස්සවීම. මේ සඳහා අධි බල මෝටර් යොදා ඒ වතුර බස්සන්න පටන් ගන්නවා. වතුර පහල පිරිලා කුඹුරු වල ගංවතුරක් වෙනකම්. එසේම සැපයුම් දිගටම පවත්වා ගන්නවා. පහු වෙද්දී වායු නලයක් දාන්න හැදුවත් එය අසාර්ථක වෙනවා එහෙත් මුළු දුරට ලණුවක් යොදා අතරමග ඔක්සිජන් සංචිත තියාගන්න සීල් භටයින් කටයුතු කරනවා. වෙනම පිරිසක් කන්ද උඩින් හාරන්න පුලුවන්ද කියා බලනවා. ගුහාවල සාමාන්‍යයෙන් පවතින චිමිනි සිදුරු තියේද කියන එක තමා ඔවුන් බලන්නේ. එසේම ඉහල වනාන්තරයේ සිවිල් ඉංජිනේරුවන් සහ වනජීවී නිලධාරින් කන්දේ ජලය රැඳෙන තැන් පාරමින් සියලු ජලය මතුපිටින් ගලන්න සලස්වනවා මොකද එසේ නොවේනම් කුහර වලින් ඇතුලට ගලන නිසා. මේ සියල්ල නිසා වැස්ස අතරේ පවා ගුහාවේ එලිය හරියේ ජල මට්ටම අඩු කරගන්න ඔවුන් සමත් වෙනවා.

උඩින් හාරන එක බොහෝ දෙනෙක් දැක්ක පැහැදිලි චිසඳුමක්. වසර කීපයකට පෙර චිලි වල පතලක හිරවූ මිනිසුන් පිරිසක් මුදාගත්තේ හාරලා කැප්සියුල් එකක් යැවීමෙන්. එහෙත් මේ සිද්ධිය ඒ හා සමාන නෑ. පළමුවෙන්ම පතල වගේ ගුහාවේ නිරවද්‍ය සිතියම් නෑ. හාරන තැන තීන්දු කරගන්න. පතලේ වගේ පුහුණු මිනිස්සු නෙවි ඉන්නේ ගුහාවේ ළමයි ටිකක්. පතල හාරන්න වුනේ මීටර හාරසීයකට අඩුවෙන් මෙතන කන්දේ මතුපිට සිට කිලෝමීටරයක් පමණ පහල තමා ගුහාව තියේ කියා හිතන්නේ එසේම පතල හාරන්න දින 69ක් ගියා, මෙතන එතරම් කල් තිබ්බේ නෑ.

එසේම ගුහාවට ඩයිනමයිට් දාන එකත් ඉග්නෝ කලේ ඉන් වඩාත් බරපතල අනතුරක් වෙන්න පුළුවන් නිසා. හැබැයි ගල් කටුව සහ මිටියෙන් ගුහාවේ බොහෝ තැන් පුළුල් කරගන්න තායි සීල් භටයින් කටයුතු කරනවා.

මේ සියල්ල අතර සිසුන්ට තම කෑම පංගුව පවා පුද කරමින් හිටි පුහුණුකරු ඔවුන් රැකබලාගෙන කල වැඩ කොටසත් සුවිශේෂී එකක්.

මේ සියල්ල නිසා ජුලි 9 ඉරිදා වෙද්දී අර පට්තායා බීච් කියන තැනින් මෙහා සියලු ස්ථාන වල ජලය අඩුකර පඩි සකසා ගමනාගමනය පහසු කරගන්න ඔවුන් සමත් වෙනවා. ඒ අනුව පට්තායා බීච් වලින් එහා පටු ගැඹුරු කුහර තුල කිමි එකක පමණ කිමිදීම් සහ  ඉතිරියේ  ගල්  මත නැගීම  ඇරෙන්න වෙනත් කිසි අනතුරක් ඉතිරි වී නෑ.  වැස්ස තවත් වැඩිවන නිසා වැඩිපුර කාලය නැති බැවින් ඔවුන් මුදාගැනීම පටන් ගන්නවා.

ජාත්‍යන්තර කිමිදුම්කරුවන් මේ සඳහා ඕස්ට්‍රේලියානු ජාතික වෛද්‍ය රිචර්ඩ් හැරිස් ව ඉල්ලා සිටිනවා. වෘත්තියෙන් නිර්වින්දනවේදියෙක් වන හදිසි ගිලන් රථ අංශයේ කටයුතු කරන ඔහු වසර තිහකට වඩා අසීරු ගැඹුරු ගුහා කිමිදුම් සහ මුදාගැනීම් වලට වෙනම ප්‍රසිද්ධියක් උසුලනවා. ගුහාව තුල සිටින ළමයින්ට අවශ්‍යම වෛද්‍ය හැකියාව තියෙනා නිසා ඔහුව නිවාඩුවකින් ගෙන්වා ගන්නේ [මේ නිවාඩුවත් ඒ වගෙම අසීරු ගුහාවක කිමිදුම් ගමනක් වෙනුවෙන් අරගෙන තියෙන්නේ].

වෛද්‍යවරයා ගුහාව තුල රඳවා ඔහුගේ පරික්ෂාව අනුව සුදුසු අය මුදාගන්නේ. ඒ අය පළමුවෙන් කිලෝමීටරයකට ආසන්න අසීරු කිමිදුම් ගමනක් නිමා කරන්න ඕනේ පෙර කී පටු කුහර අස්සෙන්. ඒ සඳහා මග දිගට ඔක්සිජන් සිලින්ඩර සපයනවා. කිමිදුම් කරුවන් තිදෙනෙක් මුදා ගන්නා කෙනා සමග එනවා. ඔක්සිජන් පවා ලබා දෙන්නේ ඔවුන්. මේ කොටස තුල මානසිකත්වය පවත්වා ගන්න ඉතාම අසීරුයි. සුළු කලබල වීමකින් සියල්ල කෙලවර වෙන්න පුළුවන්. මඩ නිසා පේන්නේ නෑ වගේම සිය දහරා නිසා පටු තැන් වල බැලන්ස් තියාගන්න බෑ. මානසික අතින් දුර්වල සමහරුන්ට ආතතිය අඩුකරන බෙහෙත් දෙන්න වෛද්‍යවරයා කටයුතු කර තියෙනවා. කෙසේ වෙතත් ඒ ගමනින් පස්සේ බඩ ගාලා කඳු නැගලා අතරමැදි කුටීරයකට එනවා. එතැනදී ප්‍රථමාධාර දීල ආධාරකයක තබන පුද්ගලයා එකසිය පනහක් පමණ සීල් භටයින් ගේ කර මතින් තවත් කිමි කීපයක අසීරු එහෙත් ජලය බස්සන ලද කොටස පහු කරලා තමා ගිලන් රථය කරා එන්නේ.

Image may contain: text


මෙන්න  මේ ආකාරයට දින තුනකදී සියලු දෙනා මුදාගන්න සමත් වෙනවා. කිසිවෙකුට අතරමග කිසිම අනතුරක් වී නැහැ. ඔවුන් දැනට රෝහල් ගතකර තියෙනවා. නිව්මෝනියාව වැනි ආබාධ වලට ඔවුන් ප්‍රතිකාර ලබනවා. කෙසේ නමුත් සියලු දෙනා මුදාගෙන, මුදාගත් පිරිස් සහ වෛද්‍ය වරයා එලියට ආවට පස්සේ ගුහාව සුද්ද කර සිලින්ඩර රැගෙන එන්න ගිය එකසිය පනහකට අධික සීල් වරුන්ට එකවර ඉහල නැග්ග ජලකඳ සුනාමියක් වගේ තමන් වෙත එන බව දකින්න ලැබෙනවා. අතිශය භයානක මේ මුදාගැනීම අහවර වන්නේ ඒ සීල් භටයින් පණ බේරාගෙන ගුහාවෙන් එලියට දිව යාමෙන්. ඒ අනුව මොහොතක් හෝ පමා වුණා නම් ඇතුලේ ඉන්න පිරිසට විශාල අනතුරක් වෙලා මේක කෙළවර වෙන්න ඉඩ තිබ්බේ.

මේ සාමුහික වැඩසටහනේ වැදගත් වැඩක් වුනේ මහජන අංශය කලමනාකරනය කල හැටි. අම්මල තාත්තල බිම හැපිලා වැලපෙනවා අපි දැක්කේ නෑ. ළමයි රෝහල් ගත කරගෙන යද්දිත් සියල්ලන් මුදා ගන්න තුරු මව්පියන් ගුහාව ළඟම හිටිය බව වාර්තා වුණා. මාධ්‍ය වලට හෝ ගොසිප් වලට කවුරුත් අනවශ්‍ය ඉඩක් දුන්නේ නෑ. පළාතේ ආණ්ඩුකාරයා ඒ සියල්ල මනා සේ පාලනය කළා. අනිසි පින්තුර දැම්මොත් නඩු දාන බව දන්වා සිටියා. අනවශ්‍ය ප්‍රශ්න ඇහුවොත් කෙලින්ම එහෙම නොඅසන්න කියා ඒ අයට දැනුම් දුන්න. මහජන අංශය ඒකාධිපතියෙක් වගේ හසුරුවද්දී මුදාගැනීමේ අංශය විශේෂඥ දැනුමට බාරදීල සුදුසු ම තැනදී තීරණ ගන්න එක පමණයි ඔහු කලේ.

කෙසේ වෙතත් මුළු වැඩේම අමාරුම සහ විශිෂ්ටම මිනිස් හැකියාව පෙන්වුයේ අනතුරට පත් ළමුන්. වයස දහ අටට අඩු කෙනෙක් කවදාවත් නොකරන ගුහා තුල කිමිදීම් වගේ දෙයක් මේ අයට කරන්න වුනේ දවස් නවයක් හාමත් වෙලා ඉඳල පීනන්න පවා බැරිව. මානසික ව වියවුල් වී මගදී මැරෙයි කියා බය වෙච්ච අයගෙන් සමහරු හිනාවෙවී ගිලන් රථය කරා ඇවිදගෙන ආපු හැටි ලෝකය පුදුමයට පත්කලා.

අවාසනාවන්ත සිද්ධි ලෙස සටහන් වන්නේ සේවයෙන් ඉවත් වූ සීල් භටයෙක් ස්වේච්චා සේවයේදී මිය යාමත්, ගුහාව තුල සිටියදී ඕස්ට්‍රේලියානු වෛද්යවරයාගේ පියා මිය යාමත් [පියා  මුදා ගැනීම  ඉවර  වුනාට  පස්සේ  මැරෙන්නේ.  වෛද්‍යවරයා දන්නේ  එලියට   ආවට   පස්සේ], තායි ඒකාධිපති පාලනයේ දෝෂ දර්ශනයට පාත්‍ර වන පළාත් ආණ්ඩුකාරයා තනතුරෙන් පහලට දැමීමත්. ආණ්ඩුකාරයා ට ඉහලින් තායි නිලධාරින් විවිධ විකාර කල බවත් පොලිස් නිලධාරින් සහන සේවා වල‍ට බාධා කල බවත් කියවෙන නමුත් ඔහු මැදිහත්ව සියල්ල කළමනාකරණය කරන්න සහ විශේෂඥ තීරණ වලට අනුකුලව කටයුතු කරන්න ගත්ත උත්සාහය නොවෙන්න මේ මුදාගැනීම කරන්න බෑ. මේ  සිද්ධියට  පෙර  පටන්  ඇතිවුණු  ගැටුමක්  හේතුවෙන්  සිකුරාදා  තනතුරින් පහකළ  පසුවත් ඉරිදා සිට   අඟහරුවාදා  දක්වා  මෙහෙයුම්  වලට  නායකත්වය  දුන්  නිසා "ගුහාවේ  ආණ්ඩුකාර" කියා  මිනිසුන්  ඔහුට   කියනවා.

එසේම මේ සමග අතුරු කතා ලෙස ඉලෝන් මස්ක් සහ ඔහුගේ සමාගම් වල සේවකයින් විසින් පැය අටකදී මුදාගැනීමේ සබ්මැරීනයක් නිපදවීම [පාපන්දු පිල නමින් වයිල්ඩ් බෝ කියා නම්කළ මෙය මස්ක් ගේ අභ්‍යවකාශ වැඩසටහන තුල ජීවිතාරක්ෂක මොඩියුලයක් ලෙස වැඩි දියුණු කරන්න නියමිතයි], මස්ක් ටත් පෙර තායි පියෙක් සහ දුවක් එකතුව මුදාගැනීමේ මොඩියුලයක් නිපදවීම සහ අසීරු මුදාගැනීම් ගැන ලොව පුරා කතිකාවක් ඇතිවීම සලකන්න පුළුවන්. මේ කිසිම යන්ත්‍රයක් යොදාගත්තේ නෑ මොකද ඒවායේ උපයෝගිතාවය ගැන ස්තිර විශ්වාසයක් කාටවත් නැති නිසා.

මෙය සැලකෙන්නේ ඉතිහාසයේ සිදු වූ සංකීර්ණම සහ අසීරුම මුදාගැනීමේ ක්‍රියාව ලෙස. ඊටම ආවේනික සියුම් තත්ත්ව රාශියක් විසින් ඒ අවස්තාව නිර්මාණය කරනවා. ඒ සමග එතෙක් ආශ්චර්යයක් ලෙස සැලකු චිලි වල මුදා ගැනීම  සාමාන්‍ය  දෙයක් බව‍ට පත්වෙනවා. චිලි සිදුවීම වෙලාවේ මුදාගැනීමේ කැප්සියුල් එක ඩිසයින් කල නාසා ආයතනය කිව්ව චිලි අය මුදාගැනීමේ වැඩසටහන් වල පෙළපොත අලුතෙන් ලිව්වා කියල. එහෙමනම් තායිලන්තයේ එක්රැස් වූ තායි සීල් භටයින් නිලධාරින් සහ ජාත්‍යන්තර විශේෂඥයින් මුදාගැනීම ගැන ඊට එහා මට්ටමක පර්යේෂණ පත්‍රිකාවක් එලි දැක්වූ බව අපිට කියන්න පුළුවන්. එසේම පුහුණුකරු සහ කණ්ඩායම කාටවත් හිතාගන්න බැරි මිනිස් හැකියාවක ඉහළම අවස්තාවක් පෙන්නලා තියෙනවා.